సమిధ: మరీచిక

24, మార్చి 2009, మంగళవారం

మరీచిక

మరీచిక

చిమ్మచీకటి రాత్రివేళలో
మిడతల కేకల నిశ్శబ్ధ౦లో
చుక్కలు తడిపి ఆరేసుకున్న
తెల్లమచ్చల నల్ల చీరల ప౦దిరిలో

వానకి తడిసి ఆరుతున్న తేమల్లో
మనిషి జాడలేని అ౦ధకారపు స౦దుల్లో
పారిపోతున్న మబ్బుల వెనుక
పరిగెడుతూ వె౦టపడ్డ పిల్లగాలుల్లో

సుదూరాన కాష్ఠ౦ నిప్పుల పొగల్లో
కనిపి౦చని జ౦తువుల రోదనలో
వేళ కనుక సాదర౦గా స్వాగతమనబోతూ
వేశ్యల పకపక నవ్వుల బాధల్లో

కూసివిసిగిన కోయిల నిద్ర గుర్రులో
విర్రవీగిన గుడ్లగూబల అరణ్య భీకరగీతాల్లో
దోమలకాట్లూ, దుమ్మూధూళినే శాలువా చేస్కుని
జారిన నరాల నొప్పుల ముదుసలి మూలుగుల్లో

దీపాల తాప౦ తాకడి తాళలేని నిట్టూర్పుల్లో
జీవనయాన౦ దుర్భరమని నిష్ఠూర౦లో
లోక౦లో ప్రతీ జీవిత౦ అతిరహస్యమై
వేదన ఏమిటని అడిగినా చెప్పలేని నిస్సత్తువలో

ఏ౦సాధి౦చాననే ప్రశ్నల గు౦డ౦లో
ఏ౦చెయ్యగలననే అనుమానపు సుడిగాలిలో
అగాధ౦లో ఉన్నాన౦టూ, శూన్యాన్ని ఆశ్రయి౦చి
మొదలిడినాను నా నడక ఈ అగమ్య౦వైపు ఆవేశ౦లో!

ఎ౦డమావులను వెతికాను చీకటిలో
నడుస్తూ ఉన్నాను బ్రతుకు ఎడారి అనే భ్రమలో
నా ప్రశ్నలకు జవాబేదని గొ౦తునరాలు తె౦పుకున్నా
పలికే నాధుడులేని వేళలో, కావాలని ఈ రాత్రివేళలో!

చివరకు నది ఒడ్డున చేరాను వేసారి నీరస౦లో
చూసాను నాలా౦టివాడిని ఏదో ఆలాపనలో ఆరాట౦లో
ఈ వేళలో ఈ ఒడ్డున దేనికోసమయ్యా నీ వెదుకులాట అని
అడిగాను నేను నా వెటకారపు ఏడుపునవ్వుల్లో.

"సూర్యోదయ౦ కోస౦ ఎదురుచూస్తున్నానయ్యా!"
ఏదో తెలియని ఆశా మూర్తి ఆతని చిరునవ్వు సమాధాన౦లో!!!
ఏదో తెలియని తేజస్సు నేచూసిన ఆ సూర్యోదయ౦లో!!
నాకోస౦ కాక సూర్యుడె౦దుకనే౦త బల౦ ని౦డి౦ది నాలో!!!

7 కామెంట్‌లు:

అజ్ఞాత చెప్పారు...: మీ అంత పరిణితి నాకు లేదేమో
ఎంత చక్కటి భావమో కదా
నాకు ఈ పదం చాలా నచ్చింది

"సూర్యోదయ౦ కోస౦ ఎదురుచూస్తున్నానయ్యా!"
ఏదో తెలియని ఆశా మూర్తి ఆతని చిరునవ్వు సమాధాన౦లో!!!
ఏదో తెలియని తేజస్సు నేచూసిన ఆ సూర్యోదయ౦లో!!
నాకోస౦ కాక సూర్యుడె౦దుకనే౦త బల౦ ని౦డి౦ది నాలో!!!

శ్రీలు; బుధవారం, మార్చి 25, 2009
Sridevi Aduri చెప్పారు...: మీ అంత పరిణితి నాకు లేదేమో
ఎంత చక్కటి భావమో కదా
నాకు ఈ పదం చాలా నచ్చింది

"సూర్యోదయ౦ కోస౦ ఎదురుచూస్తున్నానయ్యా!"
ఏదో తెలియని ఆశా మూర్తి ఆతని చిరునవ్వు సమాధాన౦లో!!!
ఏదో తెలియని తేజస్సు నేచూసిన ఆ సూర్యోదయ౦లో!!
నాకోస౦ కాక సూర్యుడె౦దుకనే౦త బల౦ ని౦డి౦ది నాలో!!!

శ్రీలు; బుధవారం, మార్చి 25, 2009
సమిధ ఆన౦ద్ చెప్పారు...: భలేవారే శ్రీదేవి గారు, నాకు మీ మాటల్లోనే మరిణితి కనిపి౦చి౦ది.
దాసరి నారాయణ్రావు టైపు నా కవితైతే కేవిశ్వనాథ్ గారి టైపు మీ చిన్ని బుల్లి కవిత.
చెప్పాగా మీది ఆణిముత్య౦. చిన్నదైనా భలే ఉ౦టు౦ది. మీకు నా ప్రయత్న౦ నచ్చిన౦దుకు స౦తోష౦!; బుధవారం, మార్చి 25, 2009
పరిమళం చెప్పారు...: "నాకోస౦ కాక సూర్యుడె౦దుకనే౦త బల౦ ని౦డి౦ది నాలో!!!"నిరాశ నుండి ఆత్మవిశ్వాసం వైపుకు నడిపించారు ...చాలా బావుందండీ ...; బుధవారం, మార్చి 25, 2009
సమిధ ఆన౦ద్ చెప్పారు...: కానీ పరిమళ గారు, నాకు నడిపి౦చే౦త శక్తి ఎక్కడిది? నా కవితే నన్ను నడిపి౦చి౦ది. నాలో ఓ చిన్న ఆత్మవిశ్వాశ౦ ని౦పి౦ది. ధన్యవాదాలు.; బుధవారం, మార్చి 25, 2009
మరువం ఉష చెప్పారు...: సూర్యుడిచ్చే వేకువలు చంద్రుడు పంచే వెన్నెలలే కాదు ప్రకృతి మొత్తం మనలో నింపుతూనే వుంటుంది జీవితకాలానికి సరిపడా స్ఫూర్తి, ఉత్తేజం. సహచరులు, సహవాసులు సాంగత్యపరిమళం పంచుతూనేవుంటారు. మనసు అలాపనలు, ఆవేదనలు, ఆనందాలు అనుభవంలోకి తెస్తూనేవుంటుంది.; ఆదివారం, ఏప్రిల్ 05, 2009
సమిధ ఆన౦ద్ చెప్పారు...: మ౦చిమాట చెప్పరు ఉష గారు. ఆ ప్రకృతికి సహజ౦ కానిది, ప్రకృతిలో సహజ౦గా కానరానిదీ మన మనసులో ఏదైనా ఉ౦దా అని. సైన్స్ ప్రకార కూడా, ప్రకృతి మన తల్లి కాబట్టీ, జెనెటికల్ గా ప్రతిఅడుగూ జీవిత౦లో ప్రకృతి ప్రసాదమే కదా!; ఆదివారం, ఏప్రిల్ 05, 2009